اولا استخدام اي وسيلة فيها عنف حيزود المشكلة اكبر بكتير واسألي نفسك دايما هل انا بعاقب بنتي علي قد الخطأ إللي ارتكبته ولا علي قد غضبك منها 

ثانيا العند عند الاطفال وراه اسباب كتيرة اهم حاجه توصلي للسبب عشان تقدري تشتغلي علي الموضوع من ضمن الاسباب مثلًا  ان الطفل  في سن صغير بيبقي عايز يحس انه بيقدر يعمل اي حاجه لوحده  زي مثلًا انه يفتح الباب لوحده فلو الاهل مسبوش مساحة انه يعمل كدا حيجي عند المرحله اللي بعدها  يحس بغضب وهيعند كتير فممكن تكوت سمات مرحله عمريه تاني حاجه ان الطفل يكون جواه غضب من شيء معين في طريقة تعامل الاهل معاه او في حاجه حصلت في المدرسه خلت يبقي في جواها غضب او تكون طريقه الاهل مع الطفل طول الوقت فيها كلمه لاء لما بيعمل حاجه غلط فالطفل بعد كدا بيقلد اسلوب اهله معاه فأحسن طريقة نوجه الطفل بيها ان احنا نقوله السبب يعني مثلا طفل بيكب المايه علي الارض حنقوله المايه بتتشرب مش بنكبها علي الارض وتمسكي ايديه وتخليه يشيل الكوباية من علي الارض 

دي شوية اسباب  وفي أسباب غيرها كتير حضرتك محتاجه تعرفي ايه السبب في البداية 

ثالثًا كل طفل ليه شخصية غير التاني محتاجين كأباء ان احنا نفهم طبيعه كل ابن لينا ونحاول  عدم المقارنة بينهم في اي شيء لان دا بيحسس الابن اللي بيتم مقارنته انه اققل من اخوه وان اخوه أفضل منه في نظر الاهل فممكن يزود الغضب عنده اكتر ويظهر في سلوكيات عنف او عند او غيره