السلام عليكم ورحمة الله وبركاته..ابني ٤ سنوات عنيد وزنان لا يسمع الكلام وعصبي ينفعل كثيرا ويغضب ويرمي الاشياء وهو غضبان وكل حاجه عنده عياط عايز اي حاجه يعيط عايز حاجه ومعملناش يعيط...اكرر الكلام عليه كثيرا يطنش ومينفذش غير بعد محايلات واحيانا باباه يزعقله أو يقوله هتنضرب ساعتها بيعمل بس غصب عنه..عايزة اوصل ازاي يعمل اللي ينطلب منه من غير زعيق ولا ضرب لأني لا أفضل الضرب كأسلوب تربوي...ايه التعامل معاه والفترة دي بقي عنيف ممكن يضربني ومرة عضني وبيقلد كل اللي حواليه بكل السلوكيات وبيعلي صوته عليا واحيانا يشتم أو يقول ألفاظ مش كويسة...مع العلم عند اخت ٣ شهور ...واغلب لعبه مع ابن عمه ١٠ سنوات ويتطبع بسلوكه كثيرا
1 الإجابة
Best Answer
اولا جزء من الاجابه موجود في سؤال حضرتك وهو وجود ضيف جديد بالاسره وهي اخته اللي بالتاكيد اخدت جزء كبير من الوقت والاهتمام اللي كانوا ليه لوحده قبل ما تيجي وده اترجم عنده ان حبكوا واهتمامكوا ليه بقي اقل
خلي بالك جدا ان الزعيق في الوقت ده بيثبت نظريته ان حبكوا ليه قل وده هيخليه عصبي اكتر وعندي اكتر بالاضافه كمان انه ممكن ياخد موقف من اخته
الحل هنا هو تقويه العلاقه بينكوا وبينه والاهتمام والتركيز معاه يزيد ده مش معناه ابدا انه كل ما يعيط هنفذ طلبه ...معناه اني اتكلم معاه اكتر واخد رايه فيما يخص اخته
وما تنسيش انه مازال طفل صغير ليه احتياجات كتير ومن اهمهم الامان وانه يحس انه محبوب من اللي حواليه
الموضوع شاق في وجود طفلين ولكن النتيجه تستحق